Mitmache by de Sporepeter

Yystoo - vorwärts - marsch!

Hesch Mumm au an dr Fasnacht mitzmache? Denn bisch do goldrichtig!

Wenn kasch drummle oder pfyffe oder wenn emool mechtsch an dr Fasnacht in ere Tamboure- und Pfyffergrubbe im Vortrab mitmache, und wenn de mindeschtens 20 Joor jung bisch, denn bisch härzlig willkomme.

Nit nur Fasnacht...

Unser aggtuells Repertoire isch traditionell, vyylfältig und au modärn; unseri Iebige finde am Zyschdig im Glaibasel statt.

Und nadyrlig hets Vereinslääbe e grosse Stellewärt. Au unterem Joor und in dr grosse Summerpause (Juli - Auguscht) gits immer wiider e Dräffe. Mit glatte Aaläss, Ussflüüg oder aifach en entspannte Summerobe zämme gniesse.

Zerscht emool schnubbere?

E gueti Ydee: Wenn de aifach emool am Fasnachtszyschdig Luscht hesch, unverbindlig e Rundi mit de Sporepeter mitzlaufe (mit Drummle, Piccolo oder im Vortrab), denn kumm verby. Mir träffen ys am zwai (vulgo: 14.00h) in dr Wysse Gass (Google Karte) - bisch härzlig yyglaade. Und wenn de Frooge hesch, denn git dir unseri Obfrau sehr gärn Usskunft (Email) - - Yystoo mit de Sporepeter - vorwärts - marsch!

********