Fasnacht 2024

Alles schreegi Veegel

(Willsch däm Waansinn in däre Stadt entrinne,
suechsch dr e Blätzli im Vogelhuus inne)

S neu Vogelhuus im Basler Zolli hät au grad über die ganz Stadt könne baut wärde. Schreegi Veegel hetts gnueg z Basel.

E kritische Bligg vo unserem Dambuurmajor uff unseri Stadt und ihri Bewohner und Beamte. Liis dr Zeedel, denn waisch, wieso dä so grimmig dryluegt.

Uff dr Route 2024. "... Kulturstadt sin mir, das isch klar
und s ﬁndes alli wunderbar..."

D Vordersytte vo de Ladäärne: "... En urbane Buur duet neu als Bundesroot regiere
und d Basler Veegel kenne äntlig, äntlig jubiliere..."

D Ruggsytte vo de Ladäärne – e Queerschnytt vo Basel? Oder ganz aifach e bsundere Huffe us em Vogelhuus?

E Keefig voll Narre? Nai, d Sporepeter als Vogel-Models.

D Celanese z Dritt? "... Nach em Aendstraich no e Tartarbrötli ässe,
das kasch am Rümmeli jetzt glatt vergässe." Gfäggt hets trotzdäm.

Em -minu sy Schlusskommentar zur Fasnacht: "Besser vogelfrei – statt maulkorbstumm."

◀ Archiv ▶

********