Fasnacht 2025
50 Joor Sporepeter – unterwäggs in
d Zuekumft
(... und ganz Basel fyyrt mit)
Unser Sujet 2025
50 Joor Sporepeter und ganz Basel fyyrt mit
E Pause muess syy. Am beschte jetzt, denn s goot bald loos mit e huffe Yvents, Feschter und lange Nächt. Mir fyyre sälber... aber mit Stil.
50 Joor - jetzt goots scho Richtig 100: "Me glaubts jo kuum doch es isch woor - D Sporepeter Glygge gits syt 50 Joor."
D Ruggsytte vo de Ladäärne: "Z Basel dien si feschte, s ganz Joor isch d Hütte voll. - Si schüche kaini Keschte, mir finde s mega toll."
Am Stainebärg – Flagge zaige, wo s langgoot. Nämmlig Richtig Zuekumft. Immer optimistisch, immer derby.
"Sali zämme, mir gseen ys sicher friener oder speeter, - sit 50 Joor, Euri Sporepeter." Oder villicht gseen mir ys scho bald, wenn de Luscht uff drummle und pfyffe hesch.
Mir sin pragmatisch, praktisch und guet: "Leider dien si au an s Minschter schiffe - und göön in Grützgang eins go kiffe. - Dr Respäggt goot ganz verloore, - drumm gheert allne eins an d Oore."
Devise fir 2025: "Mir wärde das Jubeljoor mit Basel gniesse - und sicher mängmool ussgibig begiesse."
2024 << Archiv
********
