Mitmache by de Sporepeter

Yystoo - vorwärts - marsch!

Hesch Mumm au an dr Fasnacht mitzmache? Denn bisch do goldrichtig!

Wenn kasch drummle oder pfyffe oder wenn emool mechtsch an dr Fasnacht in ere Tamboure- und Pfyffergrubbe im Vortrab mitmache, und wenn de mindeschtens 20 Joor jung bisch, denn bisch härzlig willkomme.

Bilder Sporepeter

Nit nur Fasnacht...

Unser aggtuells Repertoire isch traditionell, vyylfältig und au modärn; unseri Iebige finde am Zyschdig im Glaibasel statt.

(Repertoire zeige/verstegge)

Altfrangg Alti Schwyzer / 10. Värs Arabi Basler Marsch Dudelsagg Feschtschpiil Glopfgaischt Gluggsi Läggerli Luuser Monty Neyi Glaibasler Naarebaschi Ohremiggeli Regimäntstochter Rossignol Routesymphonie Ryslaifer Saggodo Sambre et Meuse San Carlo Unggle Sam Vaudois Whisky Soda Yankee z Basel

Drummelmärsch

Celanesen Mätzli Ueli Walliser

Und nadyrlig hets Vereinslääbe e grosse Stellewärt. Au unterem Joor und in dr grosse Summerpause (Juli - Auguscht) gits immer wiider e Dräffe. Mit glatte Aaläss, Ussflüüg oder aifach en entspannte Summerobe zämme gniesse.

Zerscht emool schnubbere?

E gueti Ydee: Wenn de aifach emool am Fasnachtszyschdig Luscht hesch, unverbindlig e Rundi mit de Sporepeter mitzlaufe (mit Drummle, Piccolo oder im Vortrab), denn kumm verby. Mir träffen ys am zwai (vulgo: 14.00h) in dr Wysse Gass (Google Karte) - bisch härzlig yyglaade. Und wenn de Frooge hesch, denn git dir unseri Obfrau sehr gärn Usskunft (Email) - - Yystoo mit de Sporepeter - vorwärts - marsch!

********


Demnäggscht

Sporepeter-Bummel

Sonntag, 10. März 2024
10:30 Uhr
Wo: Museumsbistro Rollerhof


Sitzungen gem. sep. Einladung

Dienstag, 12. März 2024
19:30 Uhr
Wo: Rheinfelderhof / Uelikäller


Aktivensitzung

Dienstag, 19. März 2024
19:30 Uhr
Wo: Uelikäller


GV Sporepeter

Dienstag, 21. Mai 2024
19:30 Uhr
Wo: Rheinfelderhof / 1. Stock